

D2081

།གསུམ་པ་ལ་ལུས་ལ་རེག་བྱ་འཇམ་པ་སྐྱེད་པ་བྱེད་དོ། དེ་ལ་མི་འགུལ་བར་ཤིང་སྡོང་ལྟར་བསྡད་དེ་དེ་རང་ནུ་མོ་ནས་འགྲུབ་པར་འགྱུར་བས། འགྲོན་བུ་བ་ནི་བརྒྱད་སྟེར་རོ། །ཀྴུ་ཀྴུ་སེ་རི་ཀུནྡའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། པི་ཤཱ་ཙེ་ཀརྞ་གྲྀ་ཧ་སྭཱ་དྷ་ ནཾ།བོད་སྐད་དུ། ཤ་ཟ་མོ་རྣ་བ་འཛིན་པའི་སྒྲུབ་ཐབས། ཨུཙྪུཥྨཱ་པི་ཤཱ་ཙི་ཀརྞ་གྲྀཧྞ་སྭཱ་ཧཱ། ཞེས་སོ། །ཉི་མ་རྒྱས་པའི་དུས་ཚོད་ལ་སྦུན་པ་སྤར་དོ་ཁྱེར་ནས་དབེན་པའི་སར་བོར་ལ་གཏང་ངོ་། །ཞག་ཉི་ཤུ་རྩ་གཅིག་གི་དུས་སུ་འདྲེ་མོ་འོང་བར་འགྱུར་རོ། །དེ་མི་སྡུག་པའི་གཟུགས་སྟོན་ན་དེ་ ལ་འཇིགས་པར་མི་བྱའོ།།སྔགས་ཟློས་ཤིང་དེ་དང་གཏམ་སྨྲའོ། །སྐད་ཆུང་བར་བྱའོ། །དེ་ནས་དེ་ན་རེ་བདག་གིས་ཅི་བགྱི་ཞེས་ཟེར་ན། བདག་ལ་གྲུབ་པར་གྱིས་ཤིག་ཅེས་བྱའོ། །དེ་ནས་དེ་ན་རེ་བདག་ལ་གཏོར་མ་བྱིན་ཞེས་ཟེར་ན་དུར་ཁྲོད་དུ་ཕྱིན་ནས་བལ་སྲན་གྱི་གཏོར་མ་དབུལ་ལོ། །